ජපානයේ උත්සව - Cultural Events in Japan

ජපානයේ උත්සව

 ජපානය වසර පුරා දේශීය උත්සව 200,000 කට වඩා පවත්වයි.

අලූත් අවුරුද්ද 

වසරක ආරම්භය සනිටුහන් කරනු ලබන විටදී අලූත් අවුරුදු උත්සවය පවත්වනු ල‌බයි . ජපානයේ අලූත් අවුරුද්ද වසර මුලදී දෙවියන් හමුවීම සංකේතවත් කරනු ලබන අතර නිශ්චිතව ම දෙවියන් වසර මුලදී හමුවීමට නොහැකි වුවහොත් වසර අවාසනාවන්තවනවා යන්න ජපන් ජාතිකයින්ගේ විශ්වාසය විය .

නිවසෙහි ගේට්ටුව ඉදිරිපිට "කදොමත්සු"නම්වූ සැරසිලි වලින් සැරසීමත්, නිවසට ඇතුළුවන තැන ඉදිරිපිට "කගමිමොචි" නම් වූ ආහාරය තැබීමත් සිදු කරයී. මේ සියල්ල සිදු කරනු ලබන්නේ මුළු වසරම දෙවියන් හමුවීම සංකේතවත් කිරීම සඳහාය . "ඔසේචි"නම්වූ ආහාරයද සාදනු ලබය‌ි.

සෙත්සුබුන්

 

මෙම උත්සවය පෙබරවාරි මාසයේ 3 වෙනි දින පවත්වනු ලබයි. එනම් වසරේ පලවන වසන්ත ඍතුවට පෙර පෙර දින රාත්‍රිය සෙත්සුබුන් යැයි පවසනු ලබයි. එසේම යකුන් පලවා හැර වාසනාව නිවසට උදා කරගන්නවා යන විශ්වාසය ඇතුව වේලු සෝයා බෝංචි ඇට නිවස වටේ ඉසීම කරන ු ලබයි . 

මෙසේ සිදු කරනු ලබන ්නේ වසන්තය පිළිගැනීමට පෙර නරක දේවල් පලවා හැර වාසනාව නිවසට ලග කරගන්නවා යන අර්ථය ඇතුවය . තවද , ජපානයේ උත්සව අතුරින් වසන්තයේ සෙත්සුබුන් උත්සවය පමණක් වසර පුරාවටම ඉතිරි වී ඇති උත්සවයක් වශයෙන් සලකනු ලබයි. 

හින උත්සවය (හිනමත්සුරි ) 

මෙම උත්සවය මාර්තු මාසයේ 3 වන දින පවත්වනු ලබයි . මෙය පවත්වනු ලබන ්නේ නිවසේ සිටින ගැහැණු ළමුන්ගේ සෞක්‍යතත්වය හොඳින් පවත්වාගැනීම සඳහාය . එසේම මේ තුලින් ගැහැණු ළමුන්ගේ නිරෝගීබව අපේක්ෂා කරනු ලබයි . නිවස තුල රතු පැහැති පඩිපෙලක් සාදා , එම පඩිපෙළ අලංකාර බෝනික ්කන්ගෙන් සරසනු ලබයී.

මෙය මුලදී චීනයෙන් හඳුන ්වාදෙනු ලැබු උත්සවයක් ලෙස පිලිගනු ලබුවත්, හින බෝනික ්කන් සරසනුලැබීම සිදුවූයේ ජපන් එදො යුගයේ බව පවසෙයි . තවද , අලංකාර බෝනික ්කන්ගෙන් සැරසූ මෙම පඩිපෙළ නියමිත වෙලාවට හැකි ඉක්මනින් සරසනු ලබයි. මෙය සැරසීමට ප්‍රමාද වුවහොත් නිවසේ ගැහැණු ළමයා විවාහ වීමට ප්‍රමාද වනවා යි කියනු ලබයි .

තන්ගොනො සෙක්කු (පිරිමි ළමුන්ගේ දිනය ) 

මෙම ජපන් උත්සවය ළමුන ්ගේ දිනය ලෙසද හඳුන්වනු ලබයි . විශේෂයෙන්ම පිරිමි ළමුන් සඳහා මෙම උත්සවය පවත්වනු ලබයි . මෙය පවත්වනු ලබන ්නේ මැයි මාසයේ 5 වෙනි දිනය . මෙහිදී ගැහැණු ළමුන් හා පිරිමි ළමුන් සඳහා පවත්වන දිනයක් වුවද තන්ගොනො  සෙක්කු කියනු ලබන්නේ පිරිමි ළමුන්ගේ වර්ධනය එසේත් නැතිනම් ඔවුන්ගේ ශරීර සෞක්‍ය යහපත් වීම සඳහා පවත්වනු ලබන දිනය වේ.

එදිනට "කොයි නොබොරි" නම් සරුංගල් සාදා ලෙළදීමට සැලැස්වීමත් , පිරිමි ළමුන් සිටින නිවෙස් වල සමුරායි බෝනික්කන්ගෙන් සරසීමත් සිදු කරනු ලබයි .

ඔබොන් උත්සවය 

මෙම උත්සවය ජපන් ජාතිකයින් පවත්වනු ලබන ්නේ අගෝස්තු මාසයේ 15 වෙනිදාය. මෙය බෞද්ධාගමික උත්සවයක් ලෙස සලකනු ලබයි. තම නිවෙස්වල මියගිය මුතුන් මිත්තන් හමුවී, ජීවිතයේ සෞභාග්‍ය ප්‍රාර්ථනා කිරීම සඳහා මෙම උත්සවය පවත්වනු ලබයි.

ඔබොන් උත්සවයේදී තම උපන් ගමට යන පිරිස කනත්තට යාමද සිදු කරනු ලබයි . එසේම  කනත්තේ ඇති සොහොන් මල් වලින් සරසනු ලබන අතර මියගිය මුතුන් මිත්තන්ට ගෞරව කරමින් ඔවුන් සිහි කරනු ලබයි. එසේම ගිම්හාන ඍතුව නිසා සෑම පළාතකම "යුකත" නම්වූ ඇඳුම් විශේෂය ඇඳ , උස අට්ටාලයක් සාදා, රවුම් කැරකෙමින් "බොන් ඔදොරි" නම් නැටුම් විශේෂය සිදු කරනු දැකිය 

හැකිය.

753 ( ශිචිගොසන් ) 

මෙම උත්සවය නොවැම්බර් මාසයේ 15 වන දින පවත්වනු ලබයි. අවුරුදු 3ක් , අවුරුදු 7ක් පමණ වන ගැහැණු ළමුන් සඳහා මෙන ්ම අවුරුදු 3ක්, අවුරුදු 5ක් පමණ වයස පිරිමි ළමුන්ව තම දෙමාපියන් විසින් දේවාලවල වැඳුම් පිදුම් කටයුතු සඳහා රැගෙන යාම සිදු කරනු ලබයි. 

එහිදී , දේවාලයේ වතාවන් සිදු කරන්නාවූ පුජකයා ලවා ශරීර සෞක්‍ය යහපත් වීම සඳහා වතාවන් කරවගනු ලබයී. මෙම උත්සවය පවත්වනු ලබන්නේ ආගමික සම්බන ්දයක් නොමැති අතර ආගමික වතාවන් සඳහා පූජනිය ස්ථානයට යාම එම දිනයේදී සාමාන්යෙන් සිදු කරනු ලබන ක්‍රියාවකි .

බෝනෙන්නකයි සාද 

දෙසැම්බර් යනුවෙන් හඳුන ්වනු ලබන ්නේ ජපානයේ කාර්ය බහුලම මාසයයි. මෙලෙස කාර්ය බහුල වන්නේ, නත්තල් සඳහා සාප්පු යාම වැනි හේතු මත නොවන අතර සාද පැවැත්වීම මෙයට හේතුව වනවා. එ අතරින් බෝනෙන්නකයි වසරේ ඉතාමත් වැදගත් සාද වන අතර මෙමඟින් අදහස් වන්නේ, පසුගිය වසරේ කරදර අමතක කොට සාර්ථක වසරක් බලාපොරොත්තු වන ලෙසයි. මෙය ව්‍යාපාර ආයතනවල සේවකයන් අතර හමුවක් ලෙස බහුලව පැවැත්වෙනවා. අවම වශයෙන් ජපානයේ එක් සමාගමක් එක් බෝනෙන්නකයි සාදයක් වත් පවත්වනු ලබනවා. මෙම සාද කතා පැවැත්වීම් කිහිපයකින් යුක්ත වන අතර, ක්‍රීඩාවන් මෙහි පොදුවේ දැකගත හැකි දෙයක් වනවා.

තනබතා උත්සවය 

මේ දින වල ජපානයේ දුම්රිය ස්ථාන වල, පන්සල් ආශ්‍රිත මෙන ්ම ප්‍රසිද්ධ ස්ථාන වල සෑම ස්ථානයකම පාහේ උණ ගස් සැරසිලි දක්නට ලැබේ. මෙය ජපන් රටේ ජපන් ජාතිකයින ්ට වැදගත් වන තවත් උත්සවයකි. තනබතා උත්සවය සෑම වසරකම හත්වැනි මස හත්වැනි දිනට (ජුලි 7) යෙදෙන තාරකා උත්සවය නොහොත් තනබතා උත්සවයයි.

ජන විශ්වාසයන්ට අනුව "වේගා" නම් තාරකාව "ඔරහිමේ" යනුවෙන ්ද "ඇල්ටෙයාර්" තාරකාව  "කෙන්ඟු" ලෙසද හැඳින්වේ. මන්දාකිනිය විසින් වෙන්කරනු ලබන ආදරවන්තයින් දෙදෙනකු නියෝජනය කරනු ලබන තරු දෙකට මෙම රාත්‍රියේ දී එකිනෙකට එක්වීමට ඉඩ ලබා දෙන වග පුරාණ කතාවන්ගෙන් කියවේ. හත්වැනි මස හත්වැනි දිනට යෙදෙන මෙම උත්සවයේ දී තමන්ගේ පළමු එළවළු අස්වැන්නෙන් ගවයන්ගේ අනුරූ සාදා දෙවියන්ට පූජා කරති. ජපන් ජාතිකයින් ආහාර ගැනීමට පාවිච්චි කරන හෂි කුරුවල කෑලිවලට කපා වම්බටු, ඉරිඟු කරල් ආදියේ කකුල් වශයෙන් සවිකරගත් ගවයන්ගේ හා අශ්වයින ්ගේ අනුරූ සාදා උණ ගස් යට තබති. හත්වැනි මස හත්වැනිදා ජපන් ජාතිකයෝ උදෙන්ම නැගිට පිනි එකතු කර තාරෝකොළවලින් ඉන්දියන් තීන ්ත  සාදා තමන් බලාපොරොත්තු වන අදහස් හා ආශිර්වාද සිතුවිලි කුඩා කඩදාසි තීරුවල ලියා උණ ගස්වල එල්ලීම කරනු ලබයි. ඔබට ජපානයේදී ජුලි මාසය ආරම්භයත් සමගම දැක ගත හැකි වනුයේ එසේ ලියු කඩදාසි සහ සරසිලියි. 

සැකසුම: නිම්නා වල්පල (nimna1998hansi@gmail.com)